«Ստացվեց. ունենք անհավատալի արդյունք, մեր Դավիթը վերջնականապես հրաժեշտ տվեց անվասայլակին»

Արմեն Մուրադյանը հերթական լավ նորությունն է հայտնել Հայրենիքի պաշտպանի վերականգնողական կենտրոնից:

Նորությունն այս անգամ երեք տարի առաջ գլխուղեղի բաց թափանցող վիրավորում ստացած Դավիթի առողջական վիճակի մասին է:

Դավիթն արդեն բավականին երկար ժամանակ է, ինչ բուժում է ստանում կենտրոնում: Այստեղ նրա բուժումն ընթանում էր փուլերով, իսկ այսօր ի վերջո նա կարողացել է վերջնականապես հրաժեշտ տալ անվասայլակին:

Ա. Մուրադյանի հանրայնացրած հոլովակում երևում է Դավիթի ստացած բուժման փուլերը և հաղթահարած դժվարությունները: Հոլովակում պատկերավոր կերպով ներկայացված է, թե բուժման որ փուլում նա ինչպիսի դժվարություն է հաղթահարել:

Նախ մեջքը կապած ու գոտիով է քայլել, հետո փորձել է հենակների, ապա նաև ձեռնափայտի միջոցով՝ ի վերջո հասնելով բավականին ցանկալի ու լավ արդյունքի:

Նշենք, որ այս կենտրոնում շարունակում են վերականգնողական բուժում ստանալ նաև այլ անձիք, որոնք բուժման ընթացքի ու հաջողությունների մասին պարբերաբար իր էջում ուրախությամբ կիսվում է Ա. Մուրադյանը: