Եթե ցանկանում եք թեյը կամ սուրճն ավելի համեղ ու քաղցր դարձնել, ապա առաջարկում ենք հետևել մեզ և ստեղծել իդեալական թեյախմություն, իսկ սուրճի սիրահարները կարող են պատրաստել սուրճի սեղան։
Այս նյութում ներկայացնելու ենք սովորական բիսկվիթի բաղադրատոմս, որը փոքր-ինչ տարբերվում է այլ բաղադրատոմսերից։ Այն դյուրին է պատրաստելը և ստացվում է շատ կարճ ժամանակամիջոցում։
Եվ այսպես, այն պատրաստելու համար նախապատրաստեք հետևյալ մթերքները՝
2 հ․ հավկիթ
250 մլ կեֆիր
200 գ շաքարավազ
1 թ/գ սոդա
1 լիքը ճ/գ կակաո
Կես սուրճի բաժակ բուսայուղ
Վանիլին
300 գ ալյուր
Մի բուռ չամիչ (ըստ ճաշակի)
Եվ այսպես, հավկիթները շաքարավազի հետ հարելուց հետո միացնել սենյակային ջերմաստիչանի կեֆիրը, այնուհետև հավելել մաղով անցկացված ալյուրը, սոդան, կակաոն և վանիլինը։ Այս ամենը միախառնել, ստանալ համասեռ զանգված, այնուհետև հավելել բուսայուղը և չամիչը։
Չամիչն անհրաժեշտ է նախապես թաթախել ալյուրի մեջ, կրկին միախառնել և թխել 180С տաքացած ջեռոցում՝ մոտ 30 ր։ Բաղադրատոմսը պատկանում է Տաթևիկ Թորոսյանին։