Հայերը շարունակում են իրենց հաղթարշավը ֆրանսիական քաղաքական դաշտում: Հերթական ուրախալի լուրը ֆրանսիական Կլամար քաղաքից է քիչ առաջ եկել:
Տեղեկություն է հանրայնացվել այն մասին, որ Կլամար քաղաքի փոխքաղաքապետի պաշտոնում առաջադրված թեկնածուներից ընտրվել է հայազգի Սերժ Քեհեայանը: Նա մինչ այդ զբաղեցնում էր այդ պաշտոնը և վերստին վերընտրվել է նույն պաշտոնում:
Այս մասին տեղեկություն է հանրայնացվել մամուլում, մասնավորապես տեղական «Գանձասար» թերթում: Հայտնի է, որ Ս. Քեհեայանը հիսուներկու տարեկան է: Նա ստացել է քաղաքագիտական կրթություն՝ ավարտելով տեղի քաղաքագիտության բարձրագույն ուսումնական հաստատությունը:
Այսպիսով՝ Ս. Քեհեայանը նույն պաշտոնում իրավունք է ստացել պաշտոնավարել ևս վեց տարի: Նշենք, որ նախկինում այդ նույն պաշտոնը զբաղեցրել է նրա հայրը, ով հինգ տարի առաջ է կնքել իր մահկանացուն:
Ֆրանսիական քաղաքականության մեջ բավականին ակտուալ ու հաջողված է հայերի գործունեությունն, ու այդ մասին են վկայում վերջերս ընտրությունների արդյունքում արձանագրված ցուցանիշները:
