«Նապոլեոն» հանրահայտ տորթը հայտնի է բոլորին։ Որքան մարդ, այդքան էլ ճաշակ ու պատրաստելու առանձնահատկություն։
Հանրահայտ աղանդի իր բաղադրատոմսը ներկայացրել է «ԿրաբիԿուտաբի» մոսկովյան ռեստորանի շեֆ-խոհարար Արտյոմ Մարտիրոսովը՝ նշելով, որ սա «Նապոլեոն» տորթի ամենահեշտ բաղադրատոմսն է։
Անհրաժեշտ բաղադրիչներ
Խմոր (12 բաժնի համար)Սերուցքային կարագ՝ 380 գ
Ալյուր՝ 120 գ
Ձու՝ 2 հատ
Ջուր՝ 70 գ
Քացախ 9%՝ 8 գ
Կրեմ (12 բաժնի համար)
Կաթ՝ 1,2 լ
Դեղնուց՝ 6 հատ
Շաքարավազ՝ 400 գ
Սերուցքային կարագ՝ 120 գ
Խմորի պատրաստելու համար
Մաղած ալյուրի մեջտեղը փոս անել, ջուր լցնել և մեկ ձու ավելացնել։
Խմոր հունցել։
Թողնել խմորը հանգստանա 10-15 րոպե՝ սննդային թաղանթով կամ սրբիչով։
Խմորը լոշիկի պես տափակեցնել, վրան քերիչով քերել սերուցքային կարագը և հունցել խմորը։
Պատրաստի գունդը մի քանի մասի բաժանել և սառնարանում դնել 2 ժամով՝ 5-7 աստիճան ջերմաստիճանում։
Երկու ժամից գրտնակել խմորը և թխել 180 աստիճանում՝ մինչև ոսկեգույն դառնալը։
Թողնել սառչի, որպեսզի շերտերը փխրուն և չոր լինեն։
Կրեմը պատրաստելու համար
Կաթը եռացնել։
Առանձին հարել դեղնուցը և շաքարավազը՝ մինչև միասեռ զանգված, ինչից հետո զանգվածի մեջ լցնել ալյուրը և բարակ շիթով՝ կաթը։
Լավ խառնել ողջ զանգվածը, թողնել մնա 2 ժամ սառնարանում։
Հավաքել տորթը։
Մի կողմ դնել այն երկու շերտեր, որոնք ավելի շատ են թխվել, մնացածը լավ քսեք կրեմով և շարեք իրար վրա։
Դրեք ծանրության տակ՝ 2 ժամով, ինչից հետո նորից քսել կրեմ, փշրել կողք դրած շերտերը և լցնել տորթի վրա։
Զարդարել հատապտուղներով։
