Առավոտյան նախաճաշին ընտանիքի անդամներին հաճելի անակնկալ մատուցելու համար երկար ժամանակ և մեծ ջանքեր հարկավոր չի լինի։ Ընդամենը ցանկություն և համեղ ու գեղեցիկ նախաճաշի սեղանը պատրաստ կլինի։ Թերևս շատերը գիտեն, որ նախաճաշն օրվա կարևոր բաղադրիչ է համարվում։
Այս փանքեյքերը շատերը կսիրեն։ Դրանք հարամար են նաև ինչպես սուրճի, այնպես էլ թեյի հետ, իհարկե, եթե շատ քաղցրի սիրահար չեք։ Եվ այսպես, մինի փանքեյքեր ստանալու համար նախապատրաստեք հետևյալ բաղադրչները․
Շաքարավազ — 90 գ
Հավկիթ — 3 հ․
Աղ — 1/4 թ․գ․
Ալյուր — 200 գ
Փխրեցուցիչ — 5 գ
Կաթ — 100 մլ
Բուսայուղ — 1 ճ․գ․
Պատրաստման ընթացքը դյուրին է։ Շաքարավազին միացնել աղը, հավկիթը, լավ խառնել, ապա այս ամենի վրա մաղել ալյուրը, միախառնել և հավելել կաթը։
Պետք է ստացվի ջրիկ խմոր, միացնել բուսայուղը, խառնել և ստացված խմորը լցնել խոհանոցային պարկիկի մեջ, ապա չոր, տաքացված թավայում պատրաստել մինի փանքեյքերը։
Պատրաստման մանրամասներին կարող եք ծանոթանալ վարը կցված տեսանյութում։
