Եթե հետևում եք մեզ, ապա լավ գիտեք, որ այստեղ հաճախ ներկայացնում ենք մեկը մյուսից հրաշալի և անչափ համեղ ուտեստների բաղադրատոմսեր։
Դրանք կարող են լինել աղցաններ, տաք, հիմնական ուտեստներ և երբեմն էլ՝ յուրօրինակ աղանդեր։ Հիմնականում նախընտրում ենք ներկայացնել հեշտ պատրաստման ընթացք ունեցող ուտեստները։ Եվ ահա հերթական հրաշալի աղցանն ենք բերել։ Այն համեղ է, սննդարար և դյուրին պատրաստվող։
Եվ այսպես, նախապատրաստեք հետևյալ մթերքնեը՝
300 գ տավարի խաշած միս
4 հ․ եփած հավկիթ
2 հ․ վարունգ՝ մարինացված
1 փոքր գլուխ սոխ (ցանկալի է կարմիր)
150 գ Լոռի պանիր
Սև պղպեղ
Մայոնեզ կամ հավասարաչափ իրար խառնած թթվասեր և մայոնեզ։
Միսը, եթե հնարավոր է բարակ կտրատել, իսկ եթե ոչ, ապա ձեռքով իրարից առանձնացել։ Վարունգը և սոխը կտրատել բարակ շերտերով։ Պանիրը և ձուն քերել խոշոր քերիչով։ Համեմել սև պղպեղով և ավելացնել մայոնեզ։ Խառնել և մատուցել նռան հատիկներով զարդարած։
Աղ պետք չէ․ կարելի է բավարարվել մայոնեզով, իսկ եթե ձեզ համար այն անալի կլինի, ապա հոգ չէ, կարելի է նաև մի փոքր հավելել աղ։
