Օրերը դանդաղորեն ցրտում են և բոլորս էլ նկատում են, որ տաք թեյը և հատկապես տաք ապուրները քիմքին անչափ հաճելի են դարձել։ Ապուրները հազարավոր բաղադրատոմսերից ընտրել ենք այս մեկը և սիրով ներկայացնում ենք ձեզ և առաջարկում պատրաստել և վայելե ողջ ընտանիքով։ Այս բաղադրատոմսը պատկանում է գյուղացի մի կնոջ, որը սիրով տարածել է։
Անհրաժեշտ է՝
Հավ
Ջուր — 2 լ
Գազար — 1 հ․
Կարտոֆիլ — 2 հ․
Սոխ — 1 հ․
Բուսայուղ — 3 ճ․գ․
Խմոր՝
Հավկիթ — 1 հ․
Կաթ — 50 մլ
Ալյուր — 4-5 ճ․գ․
Թթվասեր
Խաշած մեկ հավկիթ
Կանաչի՝ ըստ ճաշակի
Ամբողջական հավը եփել, մանրացնել գազարը, այնուհետև պատրաստել սոխառած և լցնել խաշած հավի արգանակի վրա, միացնել մանրացված գազարը և կարտոֆիլը, ապա ավելացնել բզկտած հավը։
Առանձին փոքր ափսեում միախառնել մեկ հավկիթը և կաթը, հավելել ալյուրը՝ մաս-մաս, խառնել այնքան , մինչ կստացվի թթվասերի խտության խմոր և ծորացնել գրեթե պատրաստի ապուրի մեջ։
Եփել տասը րոպե, որից հետո մատուցել մեկ գդալ թթվասերով, խաշած հավկիթով և կանաչիով։ Բարի ախորժակ։
