Հերոսներն անմահ են իրենց սխրանքով, իրենց անձնազոհ գործով և հայրենասիրությամբ։ Հերոսները նաև վերածնվում են։ Վերածնվում և ապրեցնում, վառում տան մարած լույսն ու ապացուցում, որ կյանքը շարունակվում է։
Եվ ահա ևս մեկ ընտանիքում հույսի լույսը վառվեց և կյանքը վերադարձավ նոր, սպասված կյանքի շնորհիվ։ Օրեր առաջ լույս աշխարհ է եկել քառասունչորսօրյա պատերազմում անմհացած Հակոբ Գրիգորյանի եղբայը։
Փոքրիկին ծնողները շնորհել են Հակոբ անունը՝ ի պատիվ հերոս եղբոր։ Գրիգորյանների ընտանիքում երեք դուստր կա, անմահացած Հակոբը տան միակ որդին էր և թերևս պատճառներից մեկն էլ հենց այն էր, որ ծնողները որոշեցին ընտանիքում անպայման Հակոբ ունենալ։
Փոքրիկ Հակոբը լույս աշխարհ է եկել 2890գ քաշով և 50 սմ հասակով։
Առողջություն ենք մաղթում փոքրիկին և ի սրտե ցանկանում, որ փոքրիկ Հակոբը մեծանա, սովորի ու արարի հերոս եղբոր կետած խաղաղ հայրենիքում և ընտանիքի լույսը միշտ վառ պահի՝ երջանկացնելով ծնողներին։
