ԲԴԽ-ի շենքի դիմաց բողոքի ակցիա է ընթանում:
Մասնակիցները պահանջում են չխոչնդոտել անցումային արդարադատության ստեղծմանը: Նրանք նաև պահանջում են այս գործընթացին խանգարող ԲԴԽ նախագահ Գագիկ Հարությունյանի հրաժարականը, ինչպես նաև Բարձրագույն դատական խորհրդի լուծարումը: Պատճառն այն է, որ դատական համակարգի նկատմամբ վստահություն չկա: Ըստ «Ո՛չ Սերժի դատարաններին» նախաձեռնության անդամների, հասունացել է այն պահը, երբ անհապաղ պետք է ոլորտում կատարվեն բարեփոխումներ: Ակտիվիստներն արգելափակել են ԲԴԽ շենքի բոլոր ելքերն ու մուտքերը: Նրանք սա համարում են սաբոտաժ գործող կառավարության նկատմամբ: Բաղոքի մասնակիցների պնդմամբ, եթե չբավարարվի իրենց պահանջը, նրանք պատրաստ են արգելափակել նաև Սահմանադրական դատարանի և մյուս բոլոր դատարանների բոլոր մուտքերն ու ելքերը:
Խաղաղ բնույթ կրող բողոքի ակցիայի մասնակիցները նախատեսում են ստորագրահավաք կազմակերպել, որպեսզի դրանով նոր լիազորություններ տան վարչապետ Նիկոլ Փաշինյանին, որ ստեղծված խնդիրը կարողանա արագորեն լուծել:
