Երգչուհի և հաղորդավարուհի Աննա Դովլաթյանը, որն օրերս մայրացել է՝ ամուսնուն՝ դերասան Դավիթ Աղաջանյանին դուստր պարգևելով, հրապարակել է փոքրիկ հրաշքի լուսանկարները։
Նա ընտանեկան ջերմագույն ֆոտոշարքը մակագրել է «Երջանկության առավելագույն վիճակ» գրառմամբ, իսկ Դավիթը գրել է «նոր զգացում» խորիմաստ տողը։
Հրաշալի ֆոտոշարքն այնքան գեղեցիկ է ստացվել՝ Աննայի մշտակա նուրբ ոճին համահունչ։
Գեղեցկուհին սև և շագանակագույն պուտերով ճերմակ երկար զգեստ է կրում, որը հասնում է մինչև գետին։
Այն երկար ծավալուն թևքեր ունի և լայն լանջաբացվածք՝ բաց ուսերով։ Անչափ հմայիչ է։
Նա կերպարն ամբողջացրել է լայնեզր ծղոտե գլխարկով՝ սև բանտով։ Ոտքերին Աննան վարդագույն հյուսվածքով բոկոտիկներ է կրում։
Դավիթը սպորտային սպիտակ շապիկ և շորտեր է նախընտրել՝ սպորտային բոկոտիկներով։
Փոքրիկ հրեշտակը նույնպես լիովին սպիտակ հագուտ է կրում։ Ծնողները փակել են բալիկի դեմքը, բայց, վստահաբար, նա փոքրիկ գեղեցկուհի է։
