Ութ տարի առաջ այս օրը երկրային կյանքին հրաժեշտ տվեց հայ բեմի ամենից ողբերգական կանացից մեկը՝ Գալյա Նովենցը:
Սիրելի մոր ու անկրկնելի դերասանուհու հիշատակի օրվա առիթով իր սոցցանցային էջում հրապարակում է արել դերասանուհու որդին՝ Հակոբ Ղազանչյանը:
Նա գրել է. «Այսօր անկրկնելի մորս՝ Գալյա Նովենցի հիշատակի օրն է»՝ կցելով իր մանկության տարիների լուսանկարը երիտասարդ մոր հետ:
Թերևս քչերին է հայտնի, որ դերասանուհու կյանքի վերջին տարիները բավականին դժվարին ու խնդիրներով լեցուն են եղել: ԱՄՆ-ում մահացած որդու զավակներին խնամելու համար հայրենիքից հեռացած դերասանուհին միառժամանակ թողնում է բեմն ու դերասանի կյանքը:
Դժվարին կյանքով հայրենիքից ու ընտանիքից հեռու ապրելուց հետո 2012 թվականին դերասանուհին վերջնականապես վերադառնում է Հայաստան, բայց առողջական շատ վատ վիճակում: Նա վերադառնում է մահանալու:
Նրա հայաստանաբնակ թոռները ցավով են նշում, որ այդպես էլ չեն կարողացել վայելել իրենց սիրելի ու յուրահատուկ տատիկի հաճելի ներկայությունը:
