Աջափնյակում շարունակվում է բուռն շինարարական աշխատանքների շղթան: Այսօր վարչական շրջանի սոցցանցային էջում նոր, գեղեցիկ ու հետաքրքրաշարժ լուսանկարներ են հանրայնացվել, որտեղ երևում են նորովի տեսքի բերված գեղեցիկ այգու տարբեր հատվածներ:
Այգին Մարգարյան փողոցի հարակից հատվածում է գտնվում, Հանրապետական հիվանդանոցին կից: Լուսանկարներում երևում են, թե ինչպիսի փոփոխությունների է ենթարկվել արգին, ավելի շատացել են կանաչապատ տարածքները:
Նշենք, որ քաղաքապետարանի որդեգրած քաղաքականության հիմքում քաղաքում կանաչապատ տարածքների ավելացման սկզբունքն է:
Ինչպես նկատելի է, մասնավորապես այս այգում իրականացվել և իրականացվելու են սալիկների և եզրաքարերի փոփոխման, բարեկարգման ընդհանուր աշխատանքներ: Այգին շուտով զարդարելու են նոր ոճի ու տեսքի նստարանները:
Բարենորոգվող ու բարեկարգվող տարածքների ծավալը գնալով ավելի ընդգրկուն է դառնում, այն ավելի շատ թաղամասեր է սկսել ներառել: Սոցցանցային հրապարակումներից պարզ է դառնում նաև, որ բարեկարգվում են ծայրամասային թաղամասերի անմխիթար վիճակում գտնվող աստիճանավանդակները, բակերը:
Ինտենսիվորեն ընթանում են նաև լայնածավալ ու ամենօրյա մաքրման աշխատանքներ:
