Գագիկ Սուրենյանը բացի նրանից, որ օդերևութաբանության ոլորտի մասնագետ է և պարբերաբար եղանակային կանխատեսումներ է կատարում և հայտնում հանրությանը, թե ինչ եղանակային պայմաններ կարող են լինել առաջիկայում, նա նաև կարողանում է նկատել գեղեցիկը և ֆիքսել հետաքրքրական և ուշագրավ կադրեր, որտեղ բնության գեղեցիկ, անկրկնելի երևույթներ են պատկերված։
Նա ոչ միայն հանրայնացնում է իր կողմից արված լուսանկարները, այլև հավաքագրում է քաղաքացիների կողմից արված կադրերը և ներկայացնում։
Սուրենյանն ունի բավականաչափ մեծ լսարան, որոնց միջոցով էլ օդերևութաբանության պետը տարածում է հայաստանյան գեղատեսիլ վայրերը գեղեցկացած բնության անկրկնելի երևույթներով։
Այս անգամ Սուրենյանը հերթական գեղեցկությունն է հանրայնացրել երևանյան տարածքներից մեկից։ Ինչպես հայտնի է շատերին Երևանն այսօր արթնացավ մառախուղի մեջ։
Մայրաքաղաքն անգամ մառախուղով ծածկված էր գեղեցիկ։ Խամրած շղարշի տակից քաղաքն ասես ծիկրակում էր ու վեր խոյանում։ Լուսանկարն արված է Նորքի զանգվածից, որի հեղինակը Ալբերտ Հարությունյանն է։
