Տիգրան Խզմալյանը, ով համացանցային տիրույթում չափազանց ակտիվ է, մշտապես անդրադառնում է քաղաքական իրավիճակներին և այս կամ այն հարցի շուրջ հայտնում է իր վերլուծություններն ու դիրքորոշումը։
Հայտնի է, որ քաղաքական գործիչը մշտապես հանդես է գալիս հակառուսաստանյան դիրքորոշմամբ։ Նա պնդում է, որ Հայաստանն առանց ռուսաստանյան դաշնակցության, զարգացման և մշտական խաղաղության ճիշտ ուղին կարող է բռնել։
Այս օրերի ցույցերը նույնպես արժանացան քաղաքական գործչի սուր քննադատությանը։ Խզմալյանը շարունակ նշում է, որ ցույցերը Ռուսաստանի պատվերն է։
«Բողոքարարները գուցե և հաղթեին, եթե նրանց առաջդնորդներից ԳՈՆԵ ՄԵԿԸ չլիներ գող, ավազակ, դավաճան կամ դասալիք։ Այդ «գոնե մեկը» չկա բազմաթիվ այս դեգեներալների, մտավոռականների, պոլիգարխների և այլ նախ-ագահների թվում։
Այդ պատճառով էլ ճահճանում են մայիսյան անձրևների տակ»,- գրել է Տիգրան Խզմալյանը, ում գրառումը հավանումների են արժանացրել մի շարք ֆեյսբուքյան օգտատերեր։
