Ժամանակը վազում է, սահում ու իր ճանապարհին փոխում ամեն բան։ Անգամ մենք ժամանակի ընթացքում փոխվում ենք, երբեմն դառնում անճանաչելի։
Ժամանակը հզոր զենք է․ մանկություն, պատանեկություն, երիտասարդություն․․․ փուլ առ փուլ անցնում ենք և ենթարկվում ինչպես մտավոր, ներքին, այնպես էլ ֆիզիկական փոփոխությունների։ Պատահում է նայում ենք մեր հին լուսանկարները և զարմանում ակնհայտ շատ փոփոխություններից։
Հատկապես ուշագրավ են հանրային լայն ճանաչում ունեցող անձանց հին լուսանկարները, նրանց կերպարները վաղ ժամանակներում։ Եվ ահա համացանցում հայտնվել է գրեթե բոլորին հայտնի Տիգրան Արզաքանցյանի երիտասարդ տարիներին արված լուսանկարը։
Լուսանկարում քաղաքական գործիչը բուժաշխատողի հագուստով է։ Նա բավականին անճանաչելի է։ Նա ծառայել է Խորհդային բանակում՝ որպես բուժաշխատող, 1984 թիվ: Լուսանկարն այդ ժամանակներից է։
Այսօր նա ակտիվ համացանցային գործունեություն է վարում և գտնվում է քաղաքական դաշտում։ Տիգրան Արզաքանցյանի կինը առաջիկայում կմասնակցի Երևանի քաղաքապետի ընտրություններին։
