Դերասանուհի Անահիտ Մուտաֆյանը քաղաքական գրառումներ, հայտարարություններ հաճախ է կատարում։ Ինչպես հայտնի է դերասանուհին սատարում է ՀՅԴ կուսակցությանը և իր լսարանին հորդորում է հետևել նրանց և հավատալ նրանց կողմից առաջ քաշված գաղափարաներին։
Անահիտը գտնում է, որ Իշխան Սաղաթելյանն այն իրական հայորդին է, ով կարող է փրկել մեր վտանգված հայրենիքը և պետականույթունը կանգնեցնել ճիշտ ուղու վրա։
Այս անգամ Անահիտ Մուտաֆյանը մի գրառում է կատարել, որտեղ նշում է, որ ժամանակներն ասես կրկնվում են և աբան նույնն է, ինչ 90-ականներին, այնուհետև կանխատեսում է, որ կկասեցնեն ՀՅԴ գործունեությունը։
Դերասանուհին մասնավորապես գրել է․ «Կարծես 94 թվականը կրկնվում է, բանտերը լցվում են դաշնակցականներով, խուզարկություններ, քր. գործեր, վերջում էլ կկասեցնեն ՀՅԴ գործունեությունը, բայց հիշեք ՀՅԴ ուղին արդար է, կարգախոսը՝ մահ կամ ազատություն։
Պայքարն անկասելի է՝ բացահայտ, թե ընդհատակում։ Մահ դավաճաններին։ Ազատություն հայրենիքին…»։
