2019թ ընթացքում Սևանա լճից բաց կթողնվի մոտավորապես 170մլն խորանարդ մետր ջուր Արմավիրի, Արարատի և Արագածոտնի մարզեր:
Այսօր կայացել է կառավարության հերթական նիստը: Այս անգամ օրակարգում ընդգրկվել էր ավելի քան 30 հարց: Թերևս ամենակարևոր հարցերից մեկը եղել է Սևանա լճի ջրառի վերաբերյալ: Նիստի ընթացքում որոշվեց, որ 2019թ ընթացքում մոտ 170մլն խորանարդ մետր ջուր բաց կթողնվի Սևանից Արմավիրի, Արարատի և Արագածոտնի մարզի մոտ 30 հազար հեկտարի չափով ցանքատարածությունների ոռոգման համար:
Կառավարության մեկ այլ որոշմամբ էլ 240մլն դրամ կհատկացվի հատուկ պետական հետաքրքրությունների համար ֆոնդին, որը միտված կլինի ներդրումների և արտահանումների վերաբերյալ ծրագրերի խթանմանը:
Հաջորդ հարցերից մեկն էլ վերաբերվում էր Կոմիտասի անվան պետական կոնսերվատորիայի ղեկավարի հարցին: Որոշվեց ղեկավար ընտրել Սոնա Հովհաննիսյանին: