Մեր գեղեցիկ և խաղաղ առավոտների համար բոլորս հավերժ պարտական ենք մնում սահմանին կանգնած հայ զինվորին, որ կյանքն անգամ չխնայեց հանուն հայրենիքի։ Հայ ազգը շարունակ զոհեր է ունենում։
Ներկայացնում ենք սեպտեմբերի տասներեքին անձնվիրաբար ընկած Վազգեն Վահանի Անդրեսյանին, ով ծնվել է 2003 թ․։ Սեպտեմբերի տասներեքից մինչ այսօր հարազատները լուր չունեին հերոսից։ Օրերս տեղի է ունեցել սարսափելին և որդու անշնչացած մարմինը հանձնել են ընտանիքին։ Այսօր հերոսի հուղարկավորությունն էր։
Հերոսաճյունը ամփոփվել է Կոճոռի Զինվորական պանթեոնում: Երիտասարդ հայորդու անժամանակ մահվան կապակցությամբ ցավում ու վշտակցում է մի ողջ ազգ։
Տասնինը գարուն ապրած հայորդին դեռ այնքան անելիք ուներ և երկիրը դեռ պետք է շենացներ։ Վազգենը հայրենիքին, ընտանիքին ողջ էր հարկավոր։ Մեր զորակցությունն ենք հայտնում հերոսի ընտանիքին և հարազատներին։
Հերոսը կապրի իր սխրանքով, նրա կյանքը հարատև է։ Հավերժ փառք ու խոնարհում հանուն հայրենիքի պաշտպանության անմահացած հերոսներին:
