ՀՀ նախկին ՄԻՊ Արման Թաթոյանը՝ չնայած պաշտոնանկությանը, շարունակում է ակտիվ գործունեությունը։ Նա սոցտիրույթում նույնպես ակտիվ է, որտեղ բարձրացնում է հարցեր, որոնք Հայաստանի համար չափազանց կարևոր և կենսական են։
Այս անգամ Արման Թաթոյանը հերթական հրապարակումն է կատարել, որտեղ հերթական անգամ բացահայտում է ադրբեջանցի էկոակտիվիստների իրական մտադրությունները և իրական դեմքը։
Արման Թաթոյանը ներկայացրել է մի տեսանյութ, որտեղ «ակտիվիստները» տեսանյութ են նկարահնում՝ զուգահեռ զրուցելով։ Թաթոյանը նաև նշում է, որ տեսանյութը նկարահանվել է ակցիայի երկրորդ օրը։ Հոլովակում ադրբեջանցիների զրույցի հայերեն թարգմանությունները ներկայացված են, որից պարզ է դառնում ինչպես են նրանք վիրավորում և անարգում հային ու արցախցուն։
Թաթոյանը նշում է, որ արցախցու կյանքի միակ ճանապարհը փակած էկոակտիվիստներն ուղղակի հրճվում են ճանապարհը փակելու առիթով։
Այս տեսանյութն հերթական անգամ ապացուցում է ադրբեջանցու անմարդկային լինելը։ Արման Թաթոյանի ներկայացրած հոլովակը կարող եք դիտել ստորև։