Որքան էլ քիմքին հաճելի լինի և վայելենք այլ երկրների ազգային ուտեստները, միևնույնն է ցանկություն է լինում համտեսել հայկականը։ Հայկական ուտեստները յուրօրինակ են և անչափ համեղ ու նաև օգտակար։ Ուտեստը, որը պետք է ներկայացնենք այսօր, անչափ օգտակար է։ Այն պարզ է և հասարակ՝ տապակած ավելուկ։ Անվանումն արդեն իսկ գրգռում է ախորժակը։
Անհրաժեշտ է՝
Ավելուկ
Սոխ
Ձիթայուղ
Սխտորի փոշի, չորացրած կանաչ սոխ, կարմիր պղպեղ և, իհարկե, աղ
Կարելի է թարմ սխտորով պատրաստել․ դա նախընտրության հարց է։
Եվ այսպես, չորացրած ավելուկը մանրացնել, վրան լցնել եռացրած ջուր և տասը րոպե անց ավելուկը տեղափոխել կաթսայի մեջ, հավելել ջուր, եռացնել և կրկին թափել ջուրը, իսկ ավելուկը կրկին մանրացնել։
Թավայում սոխառած պատրաստել, միացնել չորացրած կանաչ սոխը և մնացած բոլոր համեմունքները։ Այս պահին կարելի է նաև հավելել մեկ կտոր կարագ։
Այն ավելի համեղ կդարձնի ուտեստը։ Միացնել ավելուկը, խառնել, տապակել 10 ր և վերջ, կարող եք վայելել ամենահայկական ուտեստը։
