Ռոզա Լինը շատ կարճ ժամանկահատվածում սիրվեց ինչպես հայ, այնպես էլ արտասահմանցի հանդիսատեսի կողմից։
Նա իր տաղանդի շնորհիվ փայլեց և շարունակում է փայլել մեծ բեմերում և գերել միլիոնավոր հանդիսատեսների սրտերը։ Երիտասարդ երգչուհին նաև անսահման հայրենասեր է։
Նա վերջերս FM համերգին բեմ էր բարձրացել մի բաճկոնով, որի մեջքի հատվածում անգլերենով գրված է եղել՝ Դադարեցրեք շրջափակումը։ Այս կերպ երգչուհին իր աջակցությունն է հայտնել Արցախին, արցախահյաությանը։
Եվ ահա երեկ երգչուհին հայտարարել է, որ պատրաստվում է աճուրդի դուրս բերել այդ գրվածքով բաճկոնը, որի գոյացած հասույթը կնվիրաբերվի Հայկական բարեգործական ընդհանուր միության դրամահավաքին։
Աճուրդը տեղի կունենա ուրբաթ օրը։ Երգչուհուն այս հարցում ոգևորել և նրանով հիացել են հազարավոր օգտատերեր և հաջողություն մաղթել սկսվող բարի գործում։
Այս մասին առավել մանրամասն և երգչուհու գրառումը վերոնշյալի մասին առաջարկում ենք դիտել ստորև բերված տեսանյութում։
