Սիրուշոն մեր շոու բիզնեսի այն բացառիկ ներկայացուցիչներից է, ով հաճախ և մեծ հաջողությամբ է համագործակցում արտերկրի երգարվեստի հայտնի ու տաղանդավոր ներկայացուցիչների հետ։ Այդ համագործակցությունների արդյունքում գեղեցիկ գործեր են առաջանում։
Սիրուշոյի հերթական համագործակցությունը ծագումով բելոռուս, բայց նորվեգացի հայտնի երգիչ Ալեքսանդր Ռիբակի հետ է։ Նրանք համատեղ մի անչափ մեղեդային ու գեղեցիկ երգ են ներկայացրել, որը վերնագրված է «Մնա»։
Ռիբակը Եվրոտեսիլի մասնակիցներից է եղել, ում հետ Սիրուշոն պահում է մշակութային կապը։ Սիրուշոն տեսահոլովակը րոպեներ առաջ է հանրայնացրել՝ գրելով, որ այն անցնող դժվարին տարվա լավագույն ու պայծառ ձեռքբերումներից է։
Քանի որ համավարակը խոչընդոտել է ֆիզիկապես մոտ լինելուն, երգիչներն առանձին-առանձին են հանդես գալիս տեսահոլովակում, որն էլ յուրօրինակ խորհրդավորություն ու հմայք է հաղորդում երգին՝ ներդաշնակվելով դրա բովանդակությանը։
Հաճախ է ամեն ինչ թողնելու և հեռանալու ցանկություն առաջանում։ Միայն այն միակն է պահում քեզ՝ ասելով «Մնա»։ Տեսահոլովակը՝ կից։
