Միջազգային ամենամյա Եվրատեսիլ 2019-ի եզրափակիչ փուլը կկայանա մայիսի 18-ին: Եվրոպայի ամենասպասված երաժշտական հայտնի մրցույթի առջև այս տարի իր դռներն է բացել Իսրայելը: Որտեղ արդեն տեղի են ունեցել մրցույթի երկու կիսաեզրափակիչ փուլերը: Այս տարի Հայաստանը Եվրատեսիլյան շքեղ բեմահարթակում ներկայացնում էր Սրբուկը:
Սակայն նա <<Walking Out>> երգով չհաղթահարեց կանոններով նախատեսված անցողիկ շեմը և չանցավ հաջորդ փուլ: Միջազգային այս մրցույթին մասնակցող երկրներից եզրափակիչ փուլ են անցել միայն 26-ը: Մայիսի 18-ին տեղի կունենա վերջին փուլը: Միմյանց հետ համառ պայքարի մեջ կմտնեն 26 երկրի ներկայացուցիչներ:
Այս տարի միանգամից կիսաեզրափակչում ելույթ կունենան նախորդ տարվա լավագույն հնգյակի երկրները՝ Իտալիա, Իսպանիա,Ֆրանսիա,Մեծ Բրիտանիա, Գերմանիա և իհարկե հյուրընկալող երկիրը՝ Իսրայելը: Հեռուստադիտողները նրանց մրցակցային ելույթները կտեսնեն վերջին եզրափակիչ փուլում:
Դեռևս ամենաշատ դիտումներն ունեն հետևյալ 5 երգերը, որոնք անցել են հիմնական մրցափուլ:
1.Ռուսաստան՝ Սերգեյ Լազարև – «Scream»
2. Մալթա՝ Միշելա -«Chameleon»
3. Նիդերլանդներ` Դյունքան Լոուրենս – «Arcade»
4. Շվեյցարիա` Լյուկա Հաննի – «She Got Me»
5. Իտալիա` Մահմուդ – «Soldi»
Հիշեցնենք՝ մրցույթում որպես հատուկ հյուրն է հանդես կգա հանդիսատեսի կողմից մեծ ճանաչում վայելող Մադոնան: Աշխարհահռչակ երգչուհին դիջեյ Quavo-ի հետ միասին կկատարի երգը՝ «Future» երգը, ապա նաև «Like A Prayer» հիթը:
Իսկ թե ո՞վ կհաղթի և Եվրատեսիլ 2020-ն իր երկիր կտանի, պարզ կդառնա շուտով: