Հրդեհված զորամասի տասնհինգ զոհերից մեկն էլ Հրաչյա Գրիգորյանն է։ Այս տղաների ողբերգական մահն ուղղակի սարսուռի մեջ է գցում բոլորիս։ Խոսքեր ուղղակի չկան․ ցավակցական, սփոփող․․․ ուղղակի չկան։
Տասնհինգ կյանք էլ մարեց և տասնհինգ տուն էլ մթնեց։ Հրաչյա Գրիգորյանը ծառայության էր անցել անցած տարվա ձմռանը։ Նա մանկավարժական համալսարանի ուսանող էր, սովորում էր Կուլտուրայի ֆակուլտետում՝ Կառավարում բաժնում։
Հրաչյայի ուսուցիչներից մեկը խոսել է նրա մասին և հուզմունքը կոկորդում սեղմած պատմել այս երիտասարդի մարդ տեսակի մասին։ «Հրաչն ազնիվ, հումորով, շատ մաքուր հոգով տղա էր, իր անկարգություններն էին անգամ քաղցր․․․», — նշել է ուսուցչուհին։
Նա նաև պատմել է, որ սեպտեմբերի տասներեքին զոհվել էր Հրաչյայի դասընկերներից մեկը՝ Կարեն Գասպարյանը։ Եվ երկուսն էլ այդ դասարանում չափազանց տարբերվող երեխաներ էին։
Մեր խորին ցավակցություններն ենք հայտնում զոհվածների ընտանիքներին և համբերություն մաղթում։
