Ղազախստանի միջազգային մրցաշարում ոսկե մեդալ է նվաճել Հունահռոմեական ոճի ըմբիշ Արթուր Ալեքսանյանը:
Ղազախստանի Ալմաթի քաղաքում ավարտվել է Թուրլըխանովի գավաթի խաղարկությունը: Այս մրցաշարին մասնակցում էր նաև Հայաստանի հավաքականը:
Արթուր Ալեքսանյանը, ով Օլիմպիական խաղերի, Եվրոպայի և աշխարհի չեմպիոն է, հանդես էր գալիս 97 կգ քաշային կարգում: Մեր հայ ըմբիշը նվաճել է ոսկե գավաթը՝ տանելով 5 հաղթանակ: Դե իսկ եզրափակիչ խաղում նա հաղթել է Ռուսաստանի ներկայացուցիչ Ալեքսանդր Գոլովինին։
Հիշեցնենք, որ Օլիմպիական մեր չեմպիոնը ԱՄՆ-ում բուժումներ էր ստանում:
87 կգ Արթուր Շահինյանը և 60 կգ քաշայիններ Արմեն Մելիքյանն ու Գևորգ Ղարիբյանը բրոնզե մեդալների համար համառ պայքարում պարտվել են, իսկ Մաքսիմ Մանուկյանն էլ դուրս է մնացել պայքարից: Բրոնզե մեդալները նվաճել են Ռուսաստանի ներկայացուցիչներ Դանիլա Սոտնիկովն ու Նիկիտա Մելնիկովը:
