Օրերս Թուրքիայում և Սիրիայում տեղի ունեցած երկրաշարժը ցնցեց ողջ մարդկությանը։ Երկրաշարժն աղետալի հետևանքներ ունեցավ։
Հազարավոր զոհեր և վիրավորներ կան և դեռ շարունակվում են որոնողական, փրկարարական աշխատանքները։ Հիշեցնենք, որ Հայաստանը Թուրքիային և Սիրիային փրկարարական ջոկատներ է ուղարկել՝ որպես օգնություն և աջակցություն։
Ինչպես գիտենք թե՛ Թուրքիայում և թե՛ Սիրիիայում հազարավոր հայեր կան, իսկ աղետալի երկրաշարժից տուժել են նաև ազգությամբ հայ քաղաքացիներ։
Պարզ է դարձել, որ Դիարբեքիրում, Տիգրանակերտում ապրող հայազգի երգչուհի Զիլան Տիգրիսն ամունսու հետ մնացել է փլատակների տակ։ Այս մասին տեղեկատվություն է տարածել Ուդի Երվանդը, ով հայ արվեստի գործիչներից է։
Նրա փոխանցմամբ ամուսինները դեռ դուրս չեն բերվել փլատակների տակից։ Զիլան Տիգրիսը ծնվել և նախնական ու հետագա կրթությունը ստացել է Տիգրանակերտում։
Նա հայկական ծագում ունի թե՛ հորական, թե՛ մորական կողմից։ Այս մասին մանրամասն կարող եք տեղեկանալ վարը կցված տեսանյութում։
