Կարտոֆիլն տարածված և ամենաօգտագործվող բանջարեղենային մթերքներից է, որը սիրում են բոլորը։ Հազարավոր ուտեստներ կան, որոնք առանց կարտոֆիլի անհնար է պատրաստել և պատկերացնել անգամ չի ստացվի։ Ձեզ ենք ներկայացնում այս բանջարեղենով մի ուտեստ, որը համեղ է, հագեցնող և էսթետիկ․ սեղանն ուղղակի կզարդարվի։
Անհրաժեշտ է՝
Կարտոֆիլ — 5-6 հ․
Կարագ — 100 գ
Պանիր — 150 գ
Սխտոր — 1 պճեղ
Կարմիր պղպեղ, աղ
Սամիթ՝ մի քանի ճյուղ
Եվ այսպես, անցնենք պատրաստման գործընթացին․ կարտոֆիլները կեղևահանել, լվանալ և եփել աղաջրում։ Ապա դուրս բերել և կարագով տաքացված թավայում տապակաել՝ հավելելով աղ, կարմիր պղպեղ, և ճզմած սխտոր։
Տապակել մինչ կարտոֆիլները կկարմրեն, ապա վրան լցնել քերած պանիրը և փակ կափարիչով թողնել կրակին մինչ պանրի հալվելը, այնուհետև մատուցելու ժամանակ վրան շաղ տալ սամիթը։
Ստացվում է բուրումնավետ և անչափ հանեղ ուտեստ, որը կհավանեն բոլորը։ Բարի ախորժակ։
