Այնպիսի ժամանկներում ենք ապրում, որ գրեթե ամեն բան հանրության շրջանում խուճապ է առաջացնում։ Իսկ թշնամին էլ հենց դա է ցանկանում։
Եվ հենց այդ գիտակցումը գոնե պետք է հասարակությանը զգոն պահի։ Թշնական պետությունը ամեն բան անում է և դիմում է ամեն քայլի, որպեսզի հանրության շրջանում սերմանի վախ և խուճապ․ չէ՞ որ հենց վախեցած և խուճապահար հանրությանը կարելի է հմտորեն կառավարել և կամք թելադրել։
Արդեն մի քանի օր է ինչ համացանցային տիրույթում անսովոր բովանդակությամբ հաղորդագրություն է շրջանառվում։ Հաղորդագրությունում պատմվում է, որ Երևանում տաքսի վարող վարորդը իբրև թե ադրբեջանցի է եղել և այլն։
Սամվել Մարտիրոսյանն արձագանքել է ակտիվորեն տարածվող այս նամակներին և հերթական անգամ բացատրել, որ տեղեկատվական պատերազմ է ընթանում և հորդորել լինել զգուշավոր և զգոն։
Թշնամին սոցցանցերի միջոցով զանազան պատմություններ է տարածում, իբրև թե ՀՀ-ում առկա ադրբեջանցիների, նրանց կողմից իրականացվող արյունալի հանցագործությունների մասին։
