Մեր անմահացած հերոսներից շատերը այդպես էլ չհասցրեին ընտանիք կազմել, բալիկներ ունենալ, շառավիղներ տալ: Շատերն էլ հասցրել էին ընտանիք կազմել, վայելել հայրանալու բերկրանքը և ուրախությունը:
Սակայն, ցավոք սրտի, շատ հերոս հայորդիների զավակներ այդպես էլ չհասցրին վայելել իրենց հերոս հայրիկների մշտական ու հաճելի ներկայությունը: Շատ բալիկներ հավերժ կարոտ մնացին իրենց սիրելի հայրիկներին:
Նրանց համար հայրիկի հետ շփման մշտական վայր է դարձել Եռաբլոուրը, որտեղ երեխաները այցի են գնում անհուն կարոտով ու մշտական ցավով:
Ստորև կցված նյութի մեջ անչափ ցավալի մի տեսարան է. հերոսի բալիկն այցի է գալիս հոր շիրիմին՝ նրան սրտառուչ խոսքեր ասելով: Տեսանյութը հրապարակել է Աղվան Պողոսյանը՝ «Առանց մեկնաբանության» վերնագրով:
Լրագրող Հրանտ Սաֆարյանը, կիսելով նյութը, իր սոցհարթակում գրել է. «Էս երեխու ձայնը մինչև հիմա ականջներիս մեջ է, ոչ քնել է լինում, ոչ ապրել։ Պուճուր ջան, հերոսի բալա»:
