Ինչպես արդեն տեղեկացրել էին գրեթե բոլոր լրատվականները՝ օրերս սահմանին մեկ վիրավոր և մեկ զոհ ունեցավ հայկական կողմը։
Բանն այն է, որ Ադրբեջանը հերթական սադրանքին էր դիմել։ Փոխհրաձգությունը տեղի է ունեցել Վարդենիսում։ Ընկած զինվորն ընդամենը տասնիննը տարեկան էր։ Նա Հրաչ Փիլիպոսյանն է։ Տասնիննամյա տղան Բյուրականից է։
Մարեց ևս մեկ տան ճրագ, առհավետ մարեց և ևս մեկ մայր հավետ կարոտով ու արցունքով կշարունակի ապրել։
Հրաչ Փիլիպոսյանի ֆեյսբուքյան էջն ուսումնասիրելիս՝ մի հրապարակում գտնվեց, որն այնքան հուզիչ է ու ակամայից աչքերդ արցունքով է լցվում։ Հրաչը լուսանկարներից մեկում փոքր եղբոր հետ է։
Լուսանկարը Հրաչը մակագրել էր՝ «Բռածիկ»։ Պարզվում է, որ ընկած հերոսը երկու փոքր եղբայր ունի, որոնց համար նա լավագույն օրինակ էր։
Երկու փոքր եղբայրների աշխարհն էր Հրաչը։ Ցավակցում ենք ընտանիքին և խոնարհվում հերոսի շիրիմին։ Հավերժ հիշատակ․․․