Օրն առույգ սկսելուն նպաստում է մեկ գավաթ սուրճն և համեղ նախաճաշը։ Բուրիտտո՝ նախաճաշի համար։ Ախորժելի է հնչում։ Բաղադրիչների չափը որոշում եք դուք՝ ըստ ճաշակի։
Բուրիտտոյի համար անհրաժեշտ է
Ձու
Բեկոն
Ձիթապտղի յուղ
Կարտոֆիլ
Մեծ լոշիկներ կամ լավաշ
Դեղին պանիր
Լոլիկ
Սոխ
Մաղադանոս
Ավոկադո
Աղ և սև պղպեղ
Պատրաստման եղանակը
Խորն ամանի մեջ պատառաքաղով հարեք ձուն։ Թավայի վրա մոտ 5 րոպե տապակեք բեկոնը։ Հանեք թավայից և յուղի վրա քառակուսիներով տապակեք կարտոֆիլը, աղ ու սև պղպեղ արեք։ Հանեք թավայից և յուղի վրա լցրեք հարած ձուն և անդադար խառնելով տապակեք՝ մինչ ձուն փշուր-փշուր լինի, աղ ու սև պղպեղ արեք։
Լոշիկները կամ լավաշը տաքացրեք թավայի կամ միկրոալիքային վառարանի մեջ, մեջը հերթով դրեք բաղադրիչները, ծալեք լոշիկը ծրարի պես և տաք-տաք մատուցեք։ Մատուցել տոմատի սոուսով։