Կառավարության նիստի ընթացքում ՀՀ Վարչապետ Նիկոլ Փաշնյանը ուշագրավ մի տեղեկություն հայտնեց։
Նա խոսելով Հայաստանի և Արցախի շուրջ ծառացած իրավիճակի մասին՝ հայտնել է՝ ինքը կարող է ասել, թե որն է Բաքվի հստակ պլանը։
Ապա մանրամասնելով՝ հայտնել է, որ Բաքուն պլանավորել է բացել Լաչինի միջանցքը՝ այն ակնկալիքով, որ Արցախի հայերը կլքեն սեփական տները, ապա կրկին փակել, այսպես շարունակ՝ մինչև վերջին հայը կլքի արցախը։
Այս ընթացքում շատ կարևոր է, որպեսզի արցախցին անկոտրում մնա։ Եվ, իհարկե, այս մասին հաճախ են ասում, գրառումներ կատարում մի շարք անհատներ և նշում, որ արցախցին իր ներքին, անասելի ուժով մի ողջ հայրենիք է պաշտպանում, պատմություն կերտում և գնում հայրենիքի փրկության ճանապարհով։
Ուժ և տոկունություն ենք մաղթում մեր հայրենակիցներին և լիահույս ենք, որ առաջիկայում հաղթանակը հենց նրանցն է լինելու, քանզի հաղթանակում է հոգու ուժը։
