Արսեն Թորոսյանը Ծաղկաձորից մանրամասներ է հայտնում (տեսանյութ)

ՀՀ առողջապահության նախարար Արսեն Թորոսյանն այս պահին Ծաղկաձորում է և շրջում է հյուրանոցներով ու հանգստյան տներով, որտեղ քաղաքացիներ են մեկուսացված։ Մեր հիանալի նախարարը ցանկանում է մոտիկից տեղյակ լինել իրավիճակին՝ վերահսկելով ամենը։

Յուրաքանչյուր տան պատասխանատուի հետ նա քննարկում է գործերը, նրա հետ ուղիղ եթեր դուրս գալիս՝ մանրամասներ հայտնելու։ Արտակարգ դրության պայմաններում մարդկանց տեղյակ պահելն անչափ կարևոր է խուճապ չառաջացնելու համար։ Տեղեկացված լինելով՝ հանրությունը քաջ գիտակցում է իրավիճակը կամ փորձում է անել դա։

Կրկին ու կրկին հորդորում ենք բոլորին մնալ տանը ու հնարավորինս ինքնամեկուսանալ, քանզի ստեղծված իրավիճակում դա վարակը չտարածելու միակ սկզբունքն է ու նախապայմանը։ Երկրում տիրող վիճակը կարգավորելը յուրաքանչյուրիս ձեռքում է։

Ինքնամեկուսանալով կօգնենք վարակի տարածումը կանխելուն ու եղած դեպքերը շուտափույթ վերացնելուց հետո այլևս չենք ունենա վարակման նոր դեպքեր, ինչն իրապես կարևոր է բոլորիս համար։