Երգիչ Արկադի Դումիկյանը հունվարի 23-ին, տեսահոլովակի պրեմիերա է ներկայացրել։ Այս մասին հայտնել է ինքը՝ երգիչը, իր ինսթագրամյան օգտահաշվում և յութուբյան ալիքում։ Երգը կոչվում է«Թե աչքերս քեզ որոնեն» ։
Երգի բառերը Սիլվա Կապուտիկյանի գրված բանաստեղծությունն է, երաժշտության հեղինակը Լևոն Սևանն է։ Ռեժիսորը՝ Լևոն Չախոյանը։
Տեսանյութին երգիչը գրառում է կցել, որտեղ շնորհակալություն է հայտնել իր հետ աշխատող պրոֆեսիոնալ թիմին։ Տեսահոլովակը սկսվում է ձմեռվա գեղեցիկ, հեքիաթային տեսարանով, որտեղ զույգերը բաժանվում են։ Երգն անպատասխան սիրո մասին է։Երիտասարդ տղան ուզում է փակել աչքերը , թելադրել սրտին հակառակը, չսիրել ու հեռանալ։
Ավելի վաղ երգիչ Արկադի Դումիկյանն ինսթագրամյան օգտահաշվում հայտնել էր իր երկրպագուներին, որ Մարտի 7-ին և 8-ին հանդես կգա համերգներով՝ Դաղստանում և Աստրախանում։
Մեկնաբանություններում երկրպագուները ողջունել են սիրված երգչի ծրագիրը և հայտնել իրենց ուրախությունը։Չնայած, որ մի քանի ժամ է ինչ երգիչը տեսահոլովակը տեղադրել է իր յութուբյան պաշտոնական ալիքում, բայց արդեն մեծ թվով դիտումներ են գրանցվել։ Ստորև ներկայացնում ենք տեսահոլովակը․
