Սիրված երգիչ Արամեն օրերս տեղեկացրել էր, որ նորություն ունի իր հանդիսատեսի համար։ Եվ արդեն երեկ երեկոյան իր սոցիալական հարթակներում տեղեկացրեց, որ նոր երգի պրեմիերան կկայանա յութուբյան ալիքում։
Երգը կոչվում է «Իմ անուշ աղջիկ»: Երաժշտության հեղինակը Օֆելյա Մկրտչյանն է, խոսքերի հեղինակը՝ Դիանա Մարդանյանը, ռեժիսորը՝ Սյոմա Կոդաբաշյանը։
Տեսահոլովակում հոր և դստեր սիրո մի գեղեցիկ պատմություն է։ Դիտողի աչքի առաջ փոքրիկ աղջնակը մեծանում է և հարսի զգեստով կանգնուձ հոր առաջ։
Հուզված հայրը դստեր ձեռքը բռնած՝ ասում է, որ այդ նրբիկ ձեռքը կհանձնի նրան, ում է ընտրել է դուստրը։ Անչափ հուզիչ տեսահոլովակ է․ բառերի ու գեղեցիկ պատմության հրաշալի համադրություն։ «Երբ նա ժպտում է, ինձ թվում է ամբողջ աշխարհն է ժպտում։ Երբ նա գրկում է ինձ, մոռանում եմ, թե ինչ է կարոտը։
Այսօր իմ առջև կանգնած է նա հարսիկի շորով, իսկ ես․․․ ես այդպես էլ չսովորեցի բաց թողնել նրա ձեռքը․․․Իմ անուշ աղջիկ»,- հնչում է երգում։ Տեսահոլովակը կարող եք դիտել ստորև․