Էդգար Ղազարյանը, ով մասնագիտությամբ տնտեսագետ է և ժամանակին զբաղեցրել է բարձր պաշտոններ, այսօր հայտարարել է, որ բռնության է ենթարկվել։
Նրան նույնիսկ տեղափոխել են հիվանդանոց։ Բուժօգնություն ստանալուց հետ դուրս է եկել հիվանդանոցից և կարճ զրույց ունեցել լրագրողներ հետ և որոշակի մանրամասներ հայտնել դեպքից և իր առողջական վիճակից։ Իսկ դեպքը տեղի է ունեցել շենքի մուտքի մոտ։
Էդգար Ղազարյանի խոսքով իրեն հետևել են, դարանակալել։ Նա առավոտյան տանից դուրս է եկել, գնացել վարսավիրանոց, ապա տունդարձի ճանապարհին, երբ հասել է շքամուտքի մոտ բարևել է, այնուհետև հարձակվել են իր վրա և ծեծել։
Նա ուժեղ հարվածներ է ստացել։ Իր խոսքով՝ ցանկացել են սպանել, քանի որ հարվածները ուժգին են եղել։ Նշել է, որ որևէ մարդու հետ խնդրներ չունի և հավելել է, որ այս ամենը քաղաքական պատվեր է։
Վարը ներկայացված տեսանյութում առաջարկում ենք լսել Էդգար Ղազարյանի խոսքը ողջ մանրամասնությամբ։
