2022 թվականն իսկապես կարծես մահաբեր լինի։ Գրեթե ամեն օր հայտնի որևէ անհատի մահվան մասին լուր ենք լսում։ Կյանքն ասես կա և ահա վայրկյաններ անց այլևս չկա։
Ժամեր առաջ կրկին անչափ ցավալի լուր ստացվեց այն մասին, որ կյանքից հեռացել է ևս մեկ հայտնի անհատ, կինոյի և թատրոնի ասպարեզում զգալի դերակատարություն ունեցող անձ, ՀՀ վաստակավոր արտիստ Վրեժ Հակոբյանը։ Ցավալի այս տեղեկատվությունը հայտնել է Հայաստանի թատերական գործիչների միությունը, որը ֆեյսբուքյան հարթակում գրառում-հայտարարություն էր տեղադրել։
Ցավալի այս տեղեկատվությանն անմիջապես արձագանքել են բազմաթիվ օգտատերեր, հարազատ և ընկերներ, ովքեր խոր ցավ են ապրել արտիստի կյանքից հեռանալու կապակցությամբ։
Նրանք մեկնաբանություններում իրենց խոր ափսոսանքն են հայտնել կորստյան համար և իրենց ցավակցություններն ուղղել դերասանի ընտանիքին և բոլոր հարազատներին ու ընկերներին։
Մենք նույնպես միանում ենք բոլոր ցավակացություններին և հոգու հանգստություն մաղթում հարազատներին։ Վրեժ Հակոբյանն 84 տարեկան էր։
