Մեր անմահացած հերոսները շարունակում են մնալ ցավի ու ոգեշնչման աղբյուր։ Նրանց են ուղղված մեր ափսոսանքով ու սիրով լի խոսքերն ու մտքերը։ Լուսինե Գրիգորյանը նոր գործ է ներկայացրել, որը նվիրել է անմահացած հերոս Ահարոն Ասատրյանին։
Նա երգը նվիրում է նաև մեր բոլոր անմահացած քաջերին, ովքեր չխնայեցին իրենց կյանքը հայրենի հողի պաշտպանության համար։ Երգը վերնագրված է «Ո՞ւր ես, իմ կես»։ Երգի խոսքերն ու երաժշտությունը հեղինակել է Լուսինե Գրիգորյանը։
Երգում սիրելիից հեռու գտնվող սիրեցյալը փնտրում է սիրելիին, ասում, որ նրանից հեռո, առանց նրա կյանքը անիմաստ է։ Նրա կարոտած սրտի երազանքն ու սրտի միակ ցանկությունը սիրելիին տեսնելն է, նրան հանդիպելն է, քանզի հակառակ դեպքում կյանքն անիմաստ է։
Երգը հոգեհարազատ է մեր երիտասարդ այն սիրահարների համար, ովքեր սպասում են հայրենիքի պաշտպան իրենց սիրեցյալներին։Լուսինե Գրիգորյանի ներկայացրած հուզիչ նոր երգը կարող եք ունկնդրել ստորև կցված նյութի մեջ։
