Հավանաբար քչերը գիտեն, որ սիրված երգիչ Արսեն Սաֆարյանը ծնունդով Արցախի տարածաշրջանի Մարտակերտի շրջանի ծմակահող բնակավայրից է։ Նա այնտեղ քիչ է ապրել, երեք տարեկան հասակում տեղափոխվել է Հրազդան։
Արսենը Հրազդանում էլ դպրոց է հաճախել՝ զուգահեռ նաև ֆուտբոլի և քանդակագործության խմբակներ այցելելով։ Արսենը տասնվեց տարեկանից սկսել է ջութակ նվագել, երգել սեփական նվագի հնչյունների տակ։
Արսեն Սաֆարյանն ավելի մեծ տարիքում երգել է «Ամադեուս» կոչվող երգի կենտրոնում, հանդես է եկել տարբեր երաժշտական նախագծերում, Երգի պետական թատրոնում։ Ունեցել է համերգներ ու մենահամերգներ։
Ա․ Սաֆարյանն արդեն քանի տարի է, ինչ ամուսնացած է Սաթեն Գաբրիելյանի հետ։ Նրանք երկու զավակ ունեն՝ տղա ու աղջիկ։ Սիրված երգիչն այսօր բոլորում է ծննդյան քառասունչորս տարին, ինչի առիթով էլ ստանում է բազում շնորհավորանքներ։
Ինչպես հայտնի է, երգիչը ակտիվորեն մասնակցել է նաև արցախյան վերջին պատերազմին՝ հնարավորության ու կարողությունների սահմանում օգնելով հայրենիքի պաշտպաններին։