Այսօր սիրված երգիչ Ռուբեն Մաթևոսյանը բոլորում է ծննդյան ութսուն ամյակը: Նա ծնունդով Սպիտակից է: Սովորել է Կոնսերվատորիայում:
Դեռ ուսանողական տարիներից և դրանից հետո էլ հանդես է եկել Արամ Մերանգուլյանի անվան անսամբլում:
Տարիների ընթացքում կատարողական յուրահատուկ վարպետության շնորհիվ Ռ. Մաթևոսյանը մեծ սեր ու ճանաչում է ձեռք բերել:
1992 թվականից սկսած նա չորս տարի «Աստղեր» անսամբլի մենակատարն ու միաժամանակ գեղարվեստական ղեկավարն էր:
Զուգահեռ երգիչը մեծ հաջողությամբ մանկավարժական գործունեություն է ծավալում՝ դասավանդելով երաժշտական դպրոցներում, քոլեջներում և այլ ուսումնական հաստատություններում:
Իր գործունեության, ինչպես նաև կատարողական յուրօրինակ կարողությունների համար Ռ. Մաթևոսյանը բազմիցս արժանացել է պարգևների, մրցանակների, մեդալների: Բացի երաժտական ուղին, Ռ. Մաթևոսյանը հանդես է եկել նաև ֆիլմերում:
Ամենից հայտնի ֆիլմերը, որտեղ երգիչը դերակատարմամբ է հանդես եկել, «Եռանկյունի», «Մեր բակը» ֆիլմերն են: Արդեն երեսուն տարի է, անվանի երաժիշտը դասավանդում է Կոնսերվատորիայում: