Միջազգային լրահոսին հետևելով՝ պարզ է դառնում, որ Ռուսաստան-Ուկրաինա հարաբերությունները շարունակում են լարված մնալ։ Թեև հասկանալի է, որ լարվածությունն այս երկու երկրներով չի սահմանափակվում։
Ամերիկան շարունակում է օրինագիծ մշակել, որով որոշակի պատժամիջոցներ են ցանկանում սահմանել Ռուսաստանի նկատմամբ։ Եվ այսպես, ԱՄՆ Կոնգրեսում, վերոնշյալ իրավիճակով պայմանավորված, շարունակվում է քննարկվել և մշակվել օրինագիծ։
Ըստ այդ օրինագծի՝ պատժամիջոցները սահմանվում են Վլադիմիր Պուտինի, ՌԴ կառավարության անդամների ու ևս վեց անձանց նկատմամբ։ Այդ վեց անձանց թվում է նաև հայազգի Ռուբեն Վարդանյանը, ով «Տրոյկա Դիալոգ» ընկերության հիմնադիրն է։
ԱՄՆ Կոնգրեսի քննարկվող օրինագծից մի հատված, որտեղ նշված է Ռուբեն Վարդանյանի անուն ազգանունը, ներկայացված է նյութի կից։ Ռուբեն Վարդանյանը հայազգի ռուս գործարար է, ով զբաղվել է մի շարք բարեգործական աշխատանքներով։
Վարդանյանը նաև հանդիանում է Ավրորա մարդասիրական նախաձեռնության համահիմնադիրներից մեկը, ինչպես նաև գաղափարի նախաձեռնողը և նախաձեռնության առաջին նախագահը։
