1 ամիս էլ չի անցել Սոնա Մնացականյանի ողբերգական մահվանից։ Կինը երեխայի էր սպասում և ավարտվեց երկու կյանք, որից մեկը դեռևս չսկսված։ Հայտնի է, որ մահվան պատճառը ՀՀ վարչապետի շարասյանն ուղեկցող ոստիկանական մեքենաներից մեկն է եղել։
Քրեական գործ է սկսվել և քննություն է ընթանում։ Հայտնի դարձավ նաև, որ ոստիկանը, որը վարել է ՃՈ մեքենան ազատ է արձակվել։ Ավելի վաղ հայտնել էին, որ վերջինիս ձերբակալել են։ Սակայն նրա ազատ արձակման հետ կապված անհանգստոթյուն է հայտնել Սոնա Մնացականյանի հայրը։
Մնացական Մնացականյանն անձամբ եղել է դեպքի վայրում։ Նա մոտակա խանութների աշխատակիցներին փորձել է հարցեր ուղղել, սակայն ոչ ոք չի պատասխանել։ Սոնայի հայրը կարծում է, որ ցուցում կա չխոսելու, որից էլ Մնացականը հետևության է եկել, որ վարորդը քննության ընթացքին խանգարում է ։
«Աղջիկս վախկոտ չէր, նա պարաշյուտով էր թռնում, գնացել էր հյուսիսափայլը նայելու, քրմերի հետ հանդիպելու, բայց վթարից առաջ տեսնում ենք, որ նա վախենում է, վախեցած նապաստակի է նմանվում:
Այդ գազան մեքենան գազանաբար եկել է, իմ աղջիկը վախեցել և չի կողմնորոշվել»,- ասել է Մնացական Մացականյանը։
