Այս մոխրագույն աշխարհում որքան էլ անհավատալի է, բայց լավ լուրեր լինում են։ Նաիրա Զոհրաբյանը հայտնում է, որ ենթադրաբար Երևան են վերադառնում ռազմագերիներ։
Կին քաղաքական գործիչը որպես լուրի աղբյուր նշում է ադրբեջանական լրատվամիջոցները։ Հակառակորդ երկրի լրատվամիջոցները հայտնում են, որ տասնյոթ գերի կվերադառնան Հայաստան։ Նաիրա Զոհրաբյանը նաև հավելել է, որ պաշտոնական Երևանն այս մասին լռություն է պահպանում։
Ըստ երևույթին լռությունը պայմանավորված է նրանով, որ կարևորը աշխատանքի արդյունքն է ոչ թե ընթացքի մասին անդադար խոսելը։ Նշվում է նաև, որ տղաներից մի քանիսը մամնական վնասվածքներ ունեն։
Նաիրա Զոհրաբյանը մասնավորապես գրել է․ «Ադրբեջանական լրատվամիջոցները տեղեկացնում են, որ Բաքուն պատրաստվում է Երևանին հանձնել սեպտեմբերի 13-14-ը ադրբեջանական ագրեսիայի ժամանակ գերեվարված տասնյոթ ռազմագերիների։
Տղաներից 4-ը վիրավոր են և ունեն տարբեր աստիճանի մարմնական վնասվածքներ։ Պաշտոնական Հայաստանը լռում է»։ Տղաներին մաղթում ենք շուտափույթ և բարի վերադարձ։
