Անմահ հերոս Մխիթարին ճանաչում են բոլորը։ Նրանով հպարտ ենք բոլորս և անսահման երախտապարտ այս հայրենիքի համար, այս արևի ու կյանքի, որ ունենք նրա և նրա նման հերոս տղաների շնորհիվ։
Հերոսական այս ազգը պետք է շարունակի իր հերոսական պատմությունը և նոր առյուծներ ծնի։ Իսկ առյուծներ ծնվում են։
Հերոս Մխիթարը եղբայր ունի, ում վիճակված չէր տեսնել, ճանաչել եղբորը և խաղալ նրա հետ, վայելել փոքր եղբայր ունենալու բերկրանքը։
Հերոսի ընտանիքում մեծանում է փոքրիկ Մխիթարը և նա արդեն վեց ամսական է։
Վեց ամսական այս հրաշքը ընտանիքի ուրախությունն ու ջերմությունն է։ Փոքրիկը ժպիտ ու ապրելու ցանկություն է բերել հերոսածին, որդեկորույս մորը։
Աստղ Գալեյանը որդու նոր լուսանկարն է ներկայացրել հանրությանը։ Լուսանկարում փոքրիկը նստած է բազմոցին, իսկ ետևում հերոս եղբոր նկարն է պատկերված բարձի վրա։ Երկու Մխիթար մեկ նկարում։
