Անցնող շաբաթը լի էր ադրբեջանական կողմի ակտիվության փորձերի անարդյունք ու անօգուտ դրսևորումներով: Նորից եղան հակառակորդի շարժի հետմղումներ ու տարատեսակ հայտարարություններ կորուստների մասին:
Մասնավորապես ԱԹՍ-ների խոցման դեպքերը դարձել են բուռն ու հախուռն քննարկումների թեմա: Ամեն անգամ ադրբեջանական կողմի ժխտումից հետո հայկական կողմը ցուցադրում էր իրենց խոցված ԱԹՍ-ների մնացորդների ցուցահանդեսը:
Ա. Հովհաննիսյանը դարձյալ նոր փաստեր է հանրայնացրել իր էջում՝ նշելով, որ հրապարակման հիմնական նպատակը ոմանց ցույց տալն է, որ մեր կողմի հայտարարություններն ու խոսքերը ադրբեջանական խորուստների մասին ճիշտ են ու հավաստի:
Ա. Հովհաննիսյանը տեղադրել է լուսանկարներ ադրբեջանական, այսպես ասած, գերեվարված ԱԹՍ-ի կադրերով: Լուսանկարներում պատկերված է Սքյասթրիքեր կոչվող ԱԹՍ-ն:
Նշենք նաև, որ նախորդող երկու օրերին հատուկ սեմինար քննարկումներ ու զորավարժություններ են տեղի ունեցել օդային տարածքի ապահովության զարգացմանն ուղղված: Քննարկվել են ԱԹՍ-ների և հակաօդային պաշտպանիչ սարքավորումների կիրարկման նրբություններն ու դրանք կատարելագործման հնարավորությունները:
