ՀՀ կրթության և գիտության նախարար Արայիկ Հարությունյանն այսօր ֆեյսբուքյան իր էջում գրառում է կատարել:
«Պահանջում եմ, որ այս զրպարտությունը հեղինակած ծնողը երեք օրվա ընթացքում, հերքում տարածի, այլապես ստիպված եմ լինելու զրպարտության համար դիմել դատարան՝ պահանջելով ամենախիստ պատիժ: Մարդիկ պետք է սովորեն պատասխան տալ իրենց խոսքերի համար և հրաժարվեն արատավորել մյուսներին: Սպասում եմ հերքմանը»:
Այնուհետև Ծովինար Սարգսյանը արձագանքելով ԿԳ նախարարի գրառմանը, անմիջապես ֆեյսբուքյան այդ գրառման տակ՝ մեկնաբանության հատվածում տարածել է իր հերքումը: Նա նշել է, որ նախարարը նման կոպիտ արտահայտություններ չի արել իր հետ զրույցի ընթացքում:
Իր նպատակը և ցանկությունը իր երեխային իենց տարածքային դպրոց ընդունելն է եղել, ոչ թե նախարարի հեղինակության հետ խաղալը:
