Ներքին Կարմիրաղբյուրի միջն. դպրոցի ֆեյսբուքյան էջը հիանալի լուր է հայտնում։ Տավուշի սահմանապահ գյուղում՝ Չինչինում, եռյակ է ծնվել։ Դպրոցի էջը գրում է՝ առավոտը բարի լուրով է սկսվել։ Դպրոցի մաթեմատիկայի ուսուցչուհին՝ Հեղինե Գրիգորյանը, եռյակ է լույս աշխարհ բերել։
Դպրոցում երևույթը հրաշք են անվանել՝ հրաշք բոլորի, հատկապես Տավշո աշխարհի համար՝ աչքալուսանք տալով։ Ի դեպ, Գրիգորյանը Չինչին գյուղից Կարմիրաղբյուր է գնացել՝ գյուղի բալիկներին դասավանդելու։
Սա իրապես մեծ հրաշք է ու խորհրդանշական լուր։ Սահմանային բավականին լարված վիճակում սա հիասքանչ նորություն է․ գյուղի բնակիչները միանգամից երեքով են ավելացել, ինչը մեծ աջակցություն է զինվորներին հոգեբանական տեսանկյունից։
Շնորհավորում ենք նորաթուխ մայրիկ Հեղինեին՝ առողջություն ու անհոգ մանկություն մաղթելով իր նորածին բալիկներին։ Թող խաղաղ երկինքը պատի մեր հրաշալի երկիրը և այս բալիկների գլխավորությամբ բոլոր բալիկները խաղաղությունից բացի ուրիշ բան չտեսնեն։
