Արդարադատության նախարար Արտակ Զեյնալյանը հանրությանը իր հրաժարականի մասին տեղեկացնում է ֆեյսբուքյան իր էջում գրառում կատարելով.
«Սիրելի՛ ընկերներ, իմ սիրելի՛ ժողովուրդ,
Արդարադատության նախարարի պաշտոնից հրաժարականի դիմում եմ ներկայացրել: Մեր ժողովրդի համար այս պատմական ժամանակահատվածում նախարարի մանդատ ստանձնելը գերպատասխանատու, բայց և իրավապաշտպանի գործունեություն ծավալելու ընթացքում ի հայտ եկած իրավական խնդիրները քայլ առ քայլ լուծելու հնարավորություն ունենալուն միտված քայլ էր: Գոհ եմ այդ քայլից, շնորհակալ եմ Հայաստանի Հանրապետության վարչապետ Նիկոլ Փաշինյանին արդարադատության նախարարի պաշտոնում իմ թեկնածությունն առաջարկելու համար, շնորհակալ եմ Նախարարության աշխատակիցներին համատեղ հետաքրքիր, արգասաբեր ու պատասխանատու աշխատանքի համար: Շնորհակալ եմ միջազգային գործընկերներին, քաղաքացիական հասարակության ներկայացուցիչներին համատեղ աշխատանքի համար:
Վստահ եմ՝ լավ է լինելու, … սակայն, եթե լավ չլինի՝ լինելու է՝ շատ լավ:
Հարգանքով՝ Արտակ»:
Հիշեցնենք, որ Արտակ Զեյնալյանը Արդարադատության նախարարի պաշտոնը ստանձնել էր թավշյա հեղափոխությունից հետո ձևավորված նոր կառավարության գործունեության ժամանակ:
