Բառացիորեն րոպեներ առաջ ավարտվեց Հայաստան-Հունաստան խաղը: Հանդիպումը Աթենքում դեռ նոր էր սկսվել, բայց խաղի 7-րդ րոպեում գրանցվեց առաջին գոլը՝ Հենրիխ Մխիթարյանի գոլային փոխանցումից մրցակցի դարպասը հաջողությամբ գրավեց Ալեքսանդր Կարապետյանը: Դե իսկ հանդիպման 32-րդ րոպեում խաղի հաշիվը կրկնապատկեց Գևորգ Ղազարյանը:
Ի դեպ պետք է նշել, որ մինչ այս երբևիցե Հայաստանին չէր հաջողվել գրավել Հունաստանի դարպասը՝ ոչ պաշտոնական և ոչ էլ ընկերական հանդիպումներում:
Երկրորդ խաղակեսում պատկերը մի փոքր փոխվեց: 54-րդ րոպեին Ռոբերտո Կարլոսին հաջողվեց կրճատել հաշվի տարբերությունը: Մրցակցի հետ խաղն աչքի ընկավ իր գոլառատությամբ:
Այս անգամ էլ 73-րդ րոպեին Հենրիխ Մխիթարյանը փորձեց գրավել մրցակցի դարպասը, սակայն գնդակը դիպավ դարպասաձողին և անդրադարձ կատարեց, որից իհարկե հմտորեն օգտվեց Տիգրան Բարսեղյանը և գոլ խփեց՝ հաշիվը դարձնելով 3-1: Սակայն քիչ անց 86-րդ րոպեում մրցակցին կրկին հաջողվեց ևս մեկ գոլ խփելով կրճատել հաշվի տարբերությունը՝ դարձնելով 3-2:
Խաղն ավարտվեց Հայաստանի փայլուն հաղթանակով:
