Հայ հայտնի հաղորդավարուհի Գոհար Գասպարյանը կրկին մայր է դարձել։ Նա լույս աշխարհ է բերել 2-րդ երեխային։ Այդ հիանալի լուրը Գոհարը հայտնել է ինստագրամյան իր էջում։ Նորածին որդուն հետաքրքիր ու անսովոր անուն են տվել՝ Թադէ։ Գեղեցկուհին շնորհակալություն է հայտնել Էրեբունի բժշկական կենտրոնի անձնակազմին և անձամբ իր բժիշկ Դավիթ Աբովյանին։
Հիշեցնենք՝ Գոհարն ամուսնացած է իրավաբան, «Ծիրանի մշակութային հանգույցի» ղեկավար Նարեկ Վան Աշուղաթոյանի հետ։ Նրանց յուրահատուկ հարսանիքը տեղի է ունեցել 2016 -ի հունիսի 19-ին: Այն երկրպագուներին հատկապես հիշվել է գեղեցիկ ֆոտոսեսիայով։
Նորաստեղծ ընտանիքի առաջնեկը՝ փոքրիկ Վանը, ծնվել է 2017-ի հոկտեմբերի 11-ին: Հիանալի է, որ նման գեղեցիկ ընտանիքը ես մեկ մարդուկով է համալրվում։ Անհոգ մանկություն մաղթենք փոքրիկին՝ լի ուրախությամբ և ժպիտներով, իսկ ծնողներին մաղթենք բերկրալի պահեր՝ իրենց փոքրիկ հրաշքների կողքին։
